श्रावण २८,२०८२ काठमाडौं — नेपाल धितोपत्र बोर्डको सञ्चालकमा व्यवसायी हेमराज ढकाल नियुक्त भएका छन्। निजी क्षेत्रको प्रतिनिधित्व गर्दै नेपाल उद्योग वाणिज्य महासंघका उपाध्यक्ष ढकाल बोर्डमा प्रवेश गरेका हुन्।

यसअघि सो पदमा उद्योग वाणिज्य महासंघका वरिष्ठ उपाध्यक्ष अन्जनकुमार श्रेष्ठ कार्यरत थिए। व्यक्तिगत कारण देखाउँदै उनले राजीनामा दिएका थिए र पद रिक्त भएको थियो। महासंघले अब उक्त रिक्त पदमा ढकाललाई पठाउने निर्णय गरेको हो।

नवनियुक्त सञ्चालक ढकाललाई बुधबार बोर्डका अध्यक्ष सन्तोषनारायण श्रेष्ठले पद तथा गोपनियताको सपथ गराएका छन्।