सभामुखले प्रमुख पाँच दलका प्रमुख सचेतकसँग छलफल गर्दै

प्रकाशित मिति

२०८२ श्रावण १९ गते, सोमबार ११:०७

श्रावण १९, २०८२ काठमाडौं – प्रतिनिधिसभाका सभामुख देवराज घिमिरेले प्रमुख पाँच राजनीतिक दलका प्रमुख सचेतकहरूसँग आज विशेष छलफल गर्ने भएका छन्। छलफल बिहान ११ बजे संसद् भवन, नयाँ बानेश्वरमा बस्ने कार्यक्रम रहेको सभामुखको सचिवालयले जनाएको छ।

उक्त छलफलमा उपसभामुख इन्दिरा राना र कानुन, न्याय तथा संसदीय मामिलामन्त्री अजयकुमार चौरसियाको समेत उपस्थिति रहनेछ। बैठकमा साउन १५ गतेदेखि ३० गतेसम्म संसद् सञ्चालनसम्बन्धी कार्यतालिका (क्यालेन्डर) तय गर्ने विषयमा विस्तृत छलफल हुने बताइएको छ।