श्रावण १३ ,२०८२ काठमाडौं । सुदूरपश्चिम प्रदेशका दुई मन्त्री सवार गाडीहरू आपसमा ठोक्किएर कैलालीको लम्कीमा दुर्घटनामा परेका छन्। भौतिक पूर्वाधार विकासमन्त्री सुरेन्द्र पाल र आन्तरिक मामिला तथा कानूनमन्त्री हिरासिंह सार्की सवार गाडीहरू प्रधानमन्त्री केपी शर्मा ओलीको स्वागतका लागि चिसापानी जाँदै गर्दा एक–आपसमा ठोक्किएका हुन्।

प्रहरीका अनुसार से १ झ ३३० नम्बरको गाडीमा मन्त्री सार्की र बा २ झ १४१९ नम्बरको गाडीमा मन्त्री पाल सवार थिए। दुबै गाडीमा क्षति भए पनि मानवीय क्षति भने नभएको जिल्ला प्रहरी कार्यालय कैलालीले जनाएको छ।

प्रधानमन्त्री ओली सुदूरपश्चिमको जानकी गाउँपालिका–९ मा निर्माण सम्पन्न कटासे हाइड्रोपावरको उद्घाटनका लागि धनगढी हुँदै चिसापानी जाँदै थिए।