श्रावण १२,२०८२ काठमाडौं । सिन्धुलीको गोलन्जोर गाउँपालिका–६ भण्डास बिप्पर कटेरीबाट लोपोन्मुख हायु समुदायका एकै परिवारका १६ जना सदस्य आइतबारदेखि बेपत्ता भएका छन्।

स्थानीय वडाध्यक्ष रविन श्रेष्ठका अनुसार उर्मिला हायुको परिवार तीन दिनदेखि सम्पर्कविहीन छ। घरमा कुकुर रोइरहेको, चौपाया अलपत्र परेको र बंगुरको मासु गन्हाएको अवस्था भेटिएकोले उनीहरू बिहीबार राति वा शुक्रबार बिहानैबाट हराएको अनुमान गरिएको छ।

घरको छेउमै आगो लागिरहेको भान्सासहितको आँगन, बन्द मोबाइल र एकान्त भूगोलले घटना झनै रहस्यमय बनाएको छ।

परिवार ऋणको तनावमा रहेको र भत्ता लिएपछि केही भएको हुनसक्ने आशंका गरिएको छ। हाल प्रहरी, स्थानीय र वडा कार्यालयको टोली व्यापक खोजीमा जुटिरहेको छ।