श्रावण ८,२०८२ काठमाडौं ।  प्रधानमन्त्री केपी शर्मा ओलीले आर्थिक वर्ष २०८१/८२ मा नेपालको निर्यात इतिहासकै उच्च विन्दुमा पुगेको दाबी गरेका छन्। आज सामाजिक सञ्जालमार्फत जानकारी दिँदै प्रधानमन्त्री ओलीले चालु आवमा नेपालले रु २ खर्ब ७७ अर्ब ३ करोड २ लाख बराबरको वस्तु तथा सेवा निर्यात गर्न सफल भएको जानकारी दिए। उनका अनुसार आफू प्रधानमन्त्री हुनुअघि अघिल्लो वर्ष (२०८०/८१) मा कुल निर्यात रु १ खर्ब ५२ अर्ब ३८ करोड १२ लाख मात्र रहेको बताए ।

प्रधानमन्त्री ओलीले लेखेका छन्, “यस वर्ष निर्यातमा इतिहासकै उच्च विन्दु हासिल भएको छ। गत वर्षको तुलनामा ८१.८० प्रतिशतले निर्यात वृद्धि भएको छ।” उक्त निर्यात वृद्धिलाई सरकारको नीतिगत स्थिरता, उद्योगमैत्री वातावरण र उत्पादन वृद्धिसँग जोडेर हेरिएको छ।