श्रावण ६ ,२०८२ काठमाडौं । मिर्गौला पीडितका लागि सरकारले दिने उपचार सहुलियत रकममा ठूलो वृद्धि गरेको छ। अब मिर्गौलाका बिरामीले ८ लाख ५० हजार रुपैयाँसम्म उपचार खर्चमा सहुलियत पाउने भएका छन्।

यसअघि मिर्गौला रोगीहरूले अधिकतम १ लाख रुपैयाँसम्म मात्र सहुलियत पाउँदै आएका थिए। तर, हालै सरकारले स्वास्थ्य क्षेत्र सुधारका लागि चालेको कदमअनुसार सहुलियतको सीमा ८.५ गुणा वृद्धि गरिएको हो।

स्वास्थ्य तथा जनसंख्या मन्त्रालयले जानकारी दिएअनुसार, यो सहुलियत रकम मिर्गौला प्रत्यारोपण, डायलाइसिस र आवश्यक औषधि उपचारमा खर्च गर्न सकिनेछ। सरकारले यो योजना आर्थिक रूपमा कमजोर वर्गका बिरामीहरूलाई राहत दिने उद्देश्यले अघि सारेको जनाएको छ।