श्रावण २ ,२०८२ काठमाडौं ।  तीन वर्षे अध्ययन बिदा स्वीकृत गराएर विदेश पुगेका नेपाल टेलिकमका ६ जना वरिष्ठ इन्जिनियरलाई ३० दिनभित्र हाजिर हुन कम्पनीले निर्देशन दिएको छ। शुक्रबार सार्वजनिक सूचनामार्फत नेपाल टेलिकमले अध्ययन बिदाको अवधि सकिएपछि समेत स्वदेश नफर्की थप बिदाका लागि निवेदन दिने ती कर्मचारीहरूको माग अस्वीकृत गरेको हो। अध्ययन बिदा सकिइसकेकाले थप बिदाको औचित्य नभएको टेलिकमको स्पष्ट भनाइ छ। कम्पनीले चेतावनी दिँदै भनेको छ, “निर्धारित म्यादभित्र सम्पर्कमा नआई हाजिर नभएमा विभागीय कारबाही प्रक्रिया अघि बढाइनेछ।”

टेलिकमको मानव संसाधन विभाग (कर्मचारी प्रशासन शाखा)का अनुसार अध्ययन बिदा लिएर विदेश गएकामध्ये हरिओम ढुङ्गाना, दीपककुमार निधि, प्रवीण माली, सागर मिश्र, राजेन्द्र पौड्याल र अविनाश बस्नेत रहेका छन्।