असार २४, २०८२ काठमाडौं । सत्तारुढ दल नेपाली कांग्रेसका सभापति शेरबहादुर देउवा प्रधानमन्त्री केपी शर्मा ओलीसँग बालुवाटारमा छलफल गरिरहेका छन्। कांग्रेसबाट उपसभापति पूर्णबहादुर खड्का र गृहमन्त्री रमेश लेखक, एमालेबाट महासचिव शंकर पोखरेल र उपमहासचिव विष्णु रिमाल सहभागी छन्।

हिजो सकिएको कांग्रेसको बैठकले एमालेसँगको सहकार्य जारी राख्दै सरकारको काममा गति थप्नुपर्ने निष्कर्ष निकालेको थियो। गठबन्धनको एक वर्ष पुग्न लाग्दा मन्त्रिपरिषद् हेरफेरको तयारी भइरहेको छ। छलफलमा समसामयिक राजनीतिक विषयसहित बाढीपहिरो र उद्धारसम्बन्धी विषय पनि समेटिएको छ।