रसुवा बाढी अपडेट : ६ चिनियाँसहित १८ जना बेपत्ता, ९ जना उद्धार

प्रकाशित मिति

२०८२ असार २४ गते, मंगलवार १०:५३

असार २४, २०८२ रसुवा । रसुवामा गएराति आएको अविरल वर्षासँगैको बाढीमा परेर ६ जना चिनियाँ नागरिकसहित १८ जना सम्पर्कविहीन भएका छन्। जिल्ला प्रहरी कार्यालय रसुवाका अनुसार ९ जनाको भने सफल उद्धार गरिएको छ।

गोसाइकुण्ड गाउँपालिका–२ स्थित रसुवागढी क्षेत्रमा चिनियाँ भू–भागतर्फ भारी वर्षा भएपछि एकाएक आएको बाढीले उक्त घटना भएको हो। बाढीले नेपाल–चीन नाका जोड्ने मितेरी बगैँचा पुल पूर्ण रूपमा बगाएपछि आवागमनसमेत अवरुद्ध भएको प्रहरीको भनाइ छ।

बेपत्ताहरूको खोजी तथा उद्धार कार्य जारी रहेको जनाइएको छ।