असार २०, २०८२ काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले नेपालको भौतिक पूर्वाधार र पर्यटन क्षेत्रमा थप लगानी गर्न मलेसियाका लगानीकर्तालाई आग्रह गरेका छन्। मलेसिया–नेपाल व्यापार परिषद्को प्रतिनिधिमण्डलसँगको भेटमा उनले लगानीका लागि नेपालमा उपयुक्त वातावरण र लगानीमैत्री नीति रहेको बताए।

‘निजी क्षेत्रबाट लगानीका लागि नेपाल तयार छ। पूर्वाधार र पर्यटनमा सम्भावना धेरै छ, सरकारले सहजीकरण र सहयोग गर्न प्रतिवद्ध छ,’ अर्थमन्त्री पौडेलले भने।

प्रतिनिधिमण्डलले सूचना प्रविधि, जलविद्युत्, व्यापार, वातावरण, पर्यटन लगायतका क्षेत्रमा लगानीको चासो देखाएको थियो। टोलीमा परिषद्का अध्यक्ष प्रदीपकुमार कुकरेजा, डा. चाइ कि खान, गणेशकुमार वनगाह, एमके संग्राह लगायतको सहभागिता थियो।