असार १६ , २०८२ काठमाडौं । तेह्रथुम पावर कम्पनी लिमिटेडले आज असार १६ गतेदेखि शतप्रतिशत हकप्रद शेयर निष्कासन गरेको छ। कम्पनीले १ बराबर १ को अनुपातमा ४० लाख कित्ता हकप्रद शेयर प्रतिकित्ता १०० रुपैयाँमा निष्कासन गर्न लागेको हो, जसका लागि नेपाल धितोपत्र बोर्डबाट अनुमति प्राप्त भइसकेको छ।

यसका लागि कम्पनीले जेठ ५ गते बुक क्लोज गरिसकेको छ। त्यसैले, जेठ ४ गतेसम्म शेयरधनी रहेका व्यक्तिहरू मात्र यो हकप्रदमा आवेदन दिन योग्य हुनेछन्। हकप्रदमा आवेदन दिने अन्तिम मिति साउन ४ गतेसम्म तोकिएको छ। धितोपत्र निष्कासन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ।

उक्त शेयरमा आवेदन दिन नक्सालस्थित नबिल इन्भेष्टमेन्ट बैंकिङ्गको कार्यालय, नबिल बैंकका तेह्रथुमस्थित छथर, म्याङलुङ्ग, फेदाप र संक्रान्तिबजार शाखा तथा कुमारी बैंकको मेन्छयायम शाखामा पुग्न सकिनेछ। साथै, नेपाल धितोपत्र बोर्डबाट आस्वा सेवामा सहभागी सबै बैंक तथा वित्तीय संस्थाका तोकिएका शाखाहरूबाट पनि आवेदन दिन सकिनेछ।

Ask ChatGPT