असार २, २०८२ काठमाडौं । काठमाडौंको कलंकीस्थित इडिफाई इन्टरनेसनल स्कुलको कम्पाउन्ड भित्र इभी माइक्रो भ्यान दुर्घटना भएको छ ।

भ्यान दुर्घटना हुदा एक विद्यार्थीको मृत्यु भएको छ भने प्रधानाध्यापकसहित सात विद्यार्थी घाइते भएका छन् ।

दुर्घटनामा सर्लाही स्थायी घर भई कुलेश्वर बस्ने ९ वर्षीया सोनाक्षी यादवको उपचारको क्रममा मृत्यु भएको जिल्ला प्रहरी परिसर, काठमाडौंले जनाएको छ । दुर्घटनामा विद्यालयका प्रध्यानाध्यापक सुरज पोख्रेलसहित सात विद्यार्थी घाइते भएका छन् । सो दुर्घटनामा गाडीचालक हर्कबहादुर कार्की पनि घाइते भएको प्रहरीले जनाएको छ ।