असार २, २०८२ काठमाडौं । रामेछाप जिल्ला अस्पतालका मेडिकल सुपरिटेण्डेन्ट डा. केशव श्रेष्ठले फेसबुकमार्फत ‘अलविदा नोट’ लेख्दै आफू देहत्याग गर्न लागेको बताए छन् ।

सोमबार बिहान फेसबुकमा सार्वजनिक गरिएको लामो पोस्टमार्फत उनले पछिल्लो समय आफू राजनीतिक दबाब र हस्तक्षेपको सामना गरिरहेको उल्लेख गरेका छन्। त्यसैको कारण मानसिक तनावमा परेर जीवन त्याग्न बाध्य भएको बताएका हुन्।

“अब म यहाँसम्म आइपुगेको छु,” उनले लेखेका छन्, “कृपया मेरो मृत शरीरलाई राजनीति नगर्नु।”
डा. श्रेष्ठले आफ्नो पोस्टमा कुनै राजनीतिक दल वा व्यक्तिको नाम उल्लेख नगरेपनि, अप्रत्यक्ष रूपमा ‘राजनीतिक हस्तक्षेप’ले पेशागत स्वतन्त्रता खल्बल्याएको गुनासो गरेका छन्।