जेष्ठ २५ ,२०८२ काठमाडौं । नेपाली बीमा कम्पनीहरुले आर्थिक मन्दी र विभिन्न समस्याका बाबजुद पनि बीमाको दायरा ३.८३ प्रतिशतले बढाउन सफल भएका छन् । नेपाल बीमा प्राधिकरणले सार्वजनिक गरेको चालु आर्थिक वर्षको बैशाख मसान्तसम्मको विवरण अनुुसार बीमाको दायरा ४७.३९ प्रतिशत जनसख्यामा पुगेको छ । समीक्षा अवधिमा म्यादी, लघुम्यादी र बैदेशिक रोजगार जीवन बीमासहित बीमाको दायरा ४७.३९ प्रतिशत जनसंख्थामा पुगेको हो ।

त्यस्तै नेपालमा ५३ प्रतिशतभन्दा बढी जनसंख्या बीमाको पहुँच बाहिर रहेको प्राधिकरणको तथ्यांकले देखाएको छ । बीमा प्राधिकरणको तथ्यांकले अहिले पनि ५३ प्रतिशत जनसंख्या बीमाको पहुँच बाहिर रहेको देखाएको छ । चालु आर्थिक वर्षको वैशाख मसान्तसम्मका बीमा क्षेत्रका मुख्य तथ्यांकहरूको विश्लेषण सहित प्राधिकरणले सार्वजनिक गरेको बीमा प्रतिविम्बको दोस्रो संस्करणमा यस्तो उल्लेख छ ।