वैशाख १७, २०८२ काठमाडौँ: जारी आइपिएलमा आज एक खेल हुदैछ । आज चेन्नई सुपर किंग्स र पञ्जाव किंग्सबीच खेल हुदैछ । चेन्नईमा हुने यो खेल नेपाली समय अनुसार राति ७: ४५ बजेदेखि शुरु हुदैछ ।

जारी आइपिएलमा चेन्नई सुपर किंग्सको प्रदर्शन खराब रहेको छ । चेन्नईले अहिलेसम्म खेलेका ९ खेलमा ७ हार बेहोरेको छ भने २ खेलमा मात्र जित हासिल गरेको छ । अंकतालिकामा चेन्नई पुछारमा रहेको छ ।

त्यसैगरी पञ्जाव किंग्सले भने ९ खेलमा ५ जित र ३ हार बेहोरेको छ । त्यस्तै पञ्जावको एक खेल रद्ध भएको थियो । पञ्जाव ११ अंकसहित पाँचौ स्थानमा रहेको छ ।

यस सिजनमा चेन्नई र पञ्जावबीच हुन लागेको यो दोस्रो खेल हो । यसअघि अप्रिल ६ मा पञ्जावको घरेलु मैदानमा भएको खेल पञ्जावले १८ रनले जितेको थियो ।