वैशाख ५, २०८२ काठमाडौँ: राष्ट्रिय परीक्षा बोर्डले कक्षा १२ को परीक्षा स्थगित नभएको स्पष्ट पारेको छ । परीक्षा स्थगित भएको हल्ला फैलिएपछि बोर्डले शुक्रबार एक विज्ञप्ति जारी गर्दै १२ कक्षाको परीक्षा यही वैशाख ११ गतेदेखि सञ्चालन हुने स्पष्ट पारेको हो ।

विद्यार्थी र अभिभावकहरूलाई भ्रम सिर्जना हुने गरी परीक्षा स्थगित भएको भन्दै गरिएका प्रचारमा सत्यता नभएको पनि बोर्डले जानकारी दिएको छ ।

परीक्षासम्बन्धी आधिकारिक सूचना वेबसाइटमार्फत् दिने गरिएको भन्दै बोर्डले विद्यार्थीहरूलाई परीक्षाको तयारी गर्न आग्रह गरेको छ ।

शिक्षकहरुको आन्दोलन जारी रहेका समय वैशाख ११ गतेदेखि तय कक्षा १२ को परीक्षा स्थगित भएको सूचना बाहिरिएको थियो । त्यसलगत्तै बोर्डले परीक्षा पहिलेको तालिका अनुसार नै हुने भनेर विज्ञप्ती निकालेको हो ।