फाल्गुण २१, २०८१ काठमाडौँ: सभामुख देवराज घिमिरेले प्रतिनिधि सभामा प्रमुख प्रतिपक्षी दलसहित सबै विपक्षी दलले उठाएका विभिन्न प्रश्नको जवाफ दिन सरकारका मन्त्रीहरुलाई रुलिङ गरेका छन् ।

बुधबार बसेको प्रतिनिधि सभा बैठकमा सांसदहरुले आकस्मिक समयमा माओवादी केन्द्र, रास्वपा र राप्रपाले कुलमान घिसिङलाई सरकारले हटाउन खोजेको विषयसहित विभिन्न विषयमा प्रश्न उठाएपछि सभामुख घिमिरेले स्पष्ट गर्न सरकारका मन्त्रीहरुलाई सभामुखले रुलिङ गरेका हुन् ।

सभामुखले रुलिङ गर्दै भने- ‘आजको बैठकमा सबै प्रतिपक्षीले राखेको विषय, अन्य माननीयहरूले शून्य, विशेष समय र आकस्मिक समयमा राख्नु भएको विषयमा ‍२०७९ नियम १५ उपनियम २ बमोजिम सम्बन्धित मन्त्रीहरूको ध्यानाकर्षण गराउँछु। साथै सभालाई जानकारी गराउन निर्देश गराउँछु ।’