प्रधानमन्त्री ओली पोखरामा, स्वास्थ्य विज्ञान प्रतिष्ठानका भवन उद्घाटन
प्रकाशित मिति
२०८१ माघ ३ गते, बिहीबार ०१:४४

माघ ३, २०८१ काठमाडौँ: प्रधानमन्त्री केपी शर्मा ओली पोखरा पुगेका छन् । पोखरा स्वास्थ्य विज्ञान प्रतिष्ठानको प्रथम दीक्षान्त समारोहमा सहभागी हुन उनी बिहीबार दिउँसो पोखरा पुगेका हुन् ।
प्रधानमन्त्री ओलीलाई पोखरा अन्तर्राष्ट्रिय विमानस्थलमा गण्डकी प्रदेशप्रमुख डिल्लीराज भट्ट, मुख्यमन्त्री सुरेन्द्रराज पाण्डे, पूर्वमुख्यमन्त्री खगराज अधिकारीलगायत उच्चपदस्थ सरकारी अधिकारीहरुले स्वागत गरेका थिए । प्रधानमन्त्री ओली प्रतिष्ठानका कुलपति हुन् । प्रतिष्ठानबाट आज ४३ जना दीक्षित हुँदैछन ।
त्यसअघि प्रधानमन्त्री ओलीले पोखरा स्वास्थ्य विज्ञान प्रतिष्ठानको प्राज्ञिक तथा आकस्मिक भवनको उद्घाटन गरेका छन् ।
१७ करोड रुपैयाँको लागतमा बनेका भवनको उद्घाटनपछि उनले नवनिर्मित भवनको निरीक्षण पनि गरेका छन् ।
प्रतिकृया