काठमाडौं । पाकिस्तान तहरीक-ए-इन्साफ (पीटीआई) का कार्यकर्ताहरूले जेलमा रहेका पाकिस्तानी पूर्व प्रधानमन्त्री इमरान खानलाई रिहा गर्न माग गरिरहेका छन्।

सोमबार नै पीटीआई कार्यकर्ताहरूको जुलुस इस्लामाबादको सीमामा प्रवेश गरेको थियो। आन्दोलनकारीलाई रोक्न सुरक्षा व्यवस्था कडा बनाइएको छ । प्रदर्शनकारीहरूको लक्ष्य इस्लामाबादको डी-चोक पुग्नु हो।

इस्लामावाद प्रशासनले पाकिस्तानको संविधानको धारा २४५ अन्तर्गत कानून र व्यवस्था बहाल गर्न सेना बोलाएको छ । इस्लामाबादका उपायुक्त इरफान मेमनले बीबीसी संवाददाता शहजाद मलिकलाई यस कुराको पुष्टि गरेका छन् ।

यसै वर्षको जनवरीमा इस्लामावादको एक अदालतले तोशाखाना मुद्दामा इमरान खानलाई १४ वर्षको जेल सजाय सुनाएको थियो ।

यसबाहेक २० लाख पाकिस्तानी रुपैयाँ जरिवाना पनि लगाइएको छ ।