कार्तिक २१ , २०८१ काठमाडौँ: अमेरिकाको राष्ट्रपति पदको चुनावको नतिजा आउने क्रम जारी रहेको छ ।

पछिल्लो मतपरिणाम अनुसार रिपब्लिकन पार्टीका उम्मेदवार डोनाल्ड ट्रम्पले अग्रता हासिल गरेका छन् ।

अहिलेसम्म ट्रम्पले रिपब्लिकनका परम्परागत राज्य मानिने सबै जसो राज्यमा जित हासिल गरेका छन् । फ्लोरिडा, टेक्सास, ओहाओ जस्ता राज्यमा ट्रम्पले जितेका छन् । अहिलेसम्म ट्रम्पले १७८ इलेक्टोरल भोट जितेका छन् भने डेमोक्रेटिक पार्टीकी कमला ह्यारिसले ९१ इलेक्टोरल भोट जितेकी छन् । ह्यारिसले न्यूयोर्क, कोलोराडो जस्ता राज्यमा जित हासिल गरेकी छन् ।

पेन्सलभेनियासहितका केहि राज्यलाई राष्ट्रपति निर्वाचनमा महत्वपूर्ण मानिएको छ । पेन्सलभेनियामा अहिले ट्रम्प अगाडी रहेका छन् ।

५३८ इलेक्टोरेल भोटमा राष्ट्रपतिमा विजयी हुन २७० भोट चाहिन्छ ।