• 11:24 am

छानबिन समिति बैठक बस्दै, कार्यविधिमा छलफल हुने

प्रकाशित मिति

२०८१ जेष्ठ २५ गते, शुक्रबार ०८:२३

जेठ २५, २०८१ काठमाडौँ: सभामुख देवराज घिमिरेको उपस्थितिमा बसेको सहकारी प्रकरण : छानबिन समिति बैठकको फाइल तस्बिर ।

काठमाडौं । सहकारी संस्थाको बचत रकम दुरुपयोग सम्बन्धमा बनेको संसदीय छानबिन विशेष समितिको बैठक आज बस्दै छ । दिउँसो ३ बजे सिंहदरबारमा बस्ने बैठकमा कार्यविधिलगायत विभिन्न विषयमा छलफल हुने संयोजक सूर्य थापाले जानकारी दिए ।

बुधबार बसेको समितिको बैठकले कार्यविधिको मस्यौदा ल्याउने जिम्मा सचिवालयलाई दिएको थियो ।

सहकारी बचतमा देखिएको अपचलनको छानबिन गर्न भन्दै जेठ १५ गते प्रतिनिधिसभा बैठकले सात सदस्यीय छानबिन समिति बनाएको थियो । समितिले तीन महिनाभित्र प्रतिवेदन बुझाउनुपर्ने समय तोकिएको छ ।

प्रतिकृया