चैत ७, २०८० काठमाडौँ: प्रमुख प्रतिपक्ष दल नेपाली कांग्रेसले उपप्रधान एवम् गृहमन्त्री रवि लामिछानेविरुद्धका यथेष्ट प्रमाण रहेको बताएको छ ।

मङ्गलबार बसेको प्रतिनिधिसभा बैठकमा प्रधानमन्त्री पुष्पकमल दाहाल ‘प्रचण्ड’ ले गृहमन्त्री लामिछानेविरुद्धका प्रमाण नभएको जवाफ दिएपछि कांग्रेसले यस्तो बताएको हो । बुधबार बसेको प्रतिनिधिसभा बैठकमा सांसद ईश्वरीदेवी न्यौपानेले भनिन्, “प्रमाण यथेष्ट छन् । सरकारलाई हामी नै उपलब्ध गराइदिन्छौँ ।”

उनले प्रधानमन्त्री प्रचण्डले न्यायाधीशले जस्तो बोलेको आरोप लगाइन्, सोधिन्— के प्रधानमन्त्री न्यायाधीशजस्तो होर ?

प्रतिनिधि सभाको आउँदो बैठकमा उच्चस्तरीय संसदीय छानबिन समिति बन्नुपर्ने आफूहरूको अडान रहेको उनले बताइन् ।