माघ ४, २०८० काठमाडौँ: सामाजिक सञ्जालमा महिलाको चरित्र हत्या गरेको अभियोगमा एक जना पक्राउ परेका छन् । संखुवासभा चिचिला गाउँपालिका(२ स्थाई घर भएका ३२ वर्षीय केशरमान राईलाई मंगलबार पक्राउ गरिएको प्रहरीले जानकारी दिएको हो ।

सामाजिक सञ्जाल फेसबुक र युट्युबमा नाम, ठेगाना र तस्विर सार्वजनिक गरी दुस्ख हैरानी तथा मानसिक आघात पुर्‍याएको भन्ने पीडितको उजुरीको आधारमा साइबर व्यूरोबाट खटिएको प्रहरीले अनुसन्धान गर्ने क्रममा उक्त कार्यमा राई संलग्न भएको पाइएपछि उनलाई उक्त व्यूरोको टोलीले जिल्ला प्रहरी कार्यालय संखुवासभाको सहयोग संखुवासभाबाट पक्राउ गरेको हो ।

उनीउपर जिल्ला अदालत काठमाडौंबाट ७ दिन म्याद थप गरी आवश्यक अनुसन्धान भइरहेको छ ।