पुस २३, २०८० काठमाडौँ: राष्ट्रियसभा निर्वाचनका लागि एमाले नेतृ रोचकुमारी चौलागाईंले उम्मेदवारी दर्ता गराएकी छन् । ‍सोमबार बागमती प्रदेशको राजधानी हेटौँडास्थित निर्वाचन अधिकृतको कार्यालय पुगेर दोलखाकी चौलागाईंले मनोनयन दर्ता गराएकी हुन् ।

एमाले मकवानपुरका संगठन विभाग प्रमुख हिदम लामाको समर्थनमा उनले उम्मेदवारी दर्ता गराएकी हुन् । राष्ट्रिय सभाअन्तर्गत बागमती प्रदेशका चार सदस्यको पद आगामी फागुन २० गते सकिँदै छ ।

यस प्रदेशबाट एमालेबाट दिलकुमारी रावल र रामचन्द्र राई, एकीकृत समाजवादीका सिंगबहादुर विश्वकर्मा र स्वतन्त्र सांसद खिमलाल देवकोटाको कार्यकाल सकिन लागेको हो ।