असोज ४, २०८० काठमाडौँ:  सरकार र आन्दोलनरत शिक्षकहरुबीच भएको छलफल निष्कर्षविहिन भएको छ । सरकारले शिक्षासम्बन्धी विधेयकका प्रावधानविरुद्ध आन्दोलनमा उत्रिएका शिक्षकहरुसँग गृहमन्त्री नारायणकाजी श्रेष्ठले छलफल गरेका हुन् ।

बिहान ८ बजेदेखि वार्ता भए पनि छलफल निष्कर्षविहीन भएको हो । छलफलमा सरकारका तर्फबाट उपप्रधानमन्त्री एवम् गृहमन्त्री नारायणकाजी श्रेष्ठ, शिक्षा विज्ञान तथा प्रविधिमन्त्री अशोककुमार राई, शिक्षा सचिव सुरेश अधिकारी रहेका छन् ।

यस्तै, आन्दोलनरत शिक्षकका तर्फबाट शिक्षक महासंघकी अध्यक्ष कमला तुलाधर तथा नेपाल शिक्षक संघ, नेपाल राष्ट्रिय शिक्षक संगठन र अखिल नेपाल शिक्षक संगठनका प्रतिनिधिहरु सहभागी थियो ।