भदौ २८, २०८० काठमाडौँ: एसिया कपको सुपर-४ राउण्डमा हुन लागेको पाकिस्तान र श्रीलंकाबीचको खेल सुरु हुन सकेको छैन । आज दिउँसो ३ः१५ मा सुरु हुनेकार्य तालिका रहेको खेल वर्षा बाधक बनेपछि सुरु हुन नसकेको हो । हाल कोलम्बोको आर प्रेमदासा स्टेडियममा भारी वर्षा भइरहेको छ । एसिया कपको फाइनलमा पुग्न पाकिस्तान र श्रीलंकाका लागि यो खेल निकै महत्वपूर्ण छ । तर बेलुका ९ बजेर १७ मिनेट सम्म खेल हुन नसकेमा खेल रद्द हुनेछ ।

अंक तालिका :

भारत सुपर-४ को अंक तालिकामा पहिलो स्थानमा छ । भारतको एक खेलमा दुई अंक छ । भारतको नेट रन रेट +४.५६० रहेको छ। श्रीलंकाको टोली दोस्रो स्थानमा छ । श्रीलंकाको दुई खेलमा २ अंक रहेको छ । श्रीलंकाको नेट रन रेट +०.२०० छ। पाकिस्तान तेस्रो स्थानमा छ । पाकिस्तानको दुई खेलमा एक अंक छ । नेट रन रेटमा पाकिस्तान श्रीलंकाभन्दा धेरै पछाडि छ । पाकिस्तानको नेट रन रेट -१.८९२ छ।