• 6:45 pm

पशुपतिमा नेम्वाङको अन्तिम बिदाइ

प्रकाशित मिति

२०८० भाद्र २८ गते, बिहीबार १२:४९

भदौ २८, २०८० काठमाडौँ: पशुपतिस्थित आर्यघाटमा फूलमालाले सजाइएको चितामा राखिएको संविधानसभा अध्यक्ष एवं नेकपा (एमाले)का उपाध्यक्ष सुवास नेम्वाङको पार्थिव शरीरमा परिवारका सदस्यहरुले अन्तिम श्रद्धाञ्जली अर्पण गरेका छन् ।


नेम्वाङलाई अन्तिम बिदाइ दिन नेकपा एमालेका अध्यक्ष केपी शर्मा ओलीले पार्टीको झण्डा ओढाउनुभयो । अन्तिममा प्रधानमन्त्री पुष्पकमल दाहाल प्रचण्डले राष्ट्रिय झण्डा ओढाउनुभएको थियो । अब उहाँको दाहसंस्कार प्रक्रिया सुरु भएको छ । यसअघि नेम्वाङको पार्थिव शरीर बालुवाटारस्थित निवासबाट मुन्धुम सँस्कृति अनुसारको विधिपूर्वक उठाइएको थियो ।


उहाँको अन्त्येष्टि मुन्धुम र हिन्दु सँस्कृति अनुसार गरिँदै छ । संविधानसभा अध्यक्ष नेम्वाङलाई अन्तिम बिदाई गर्न पशुपतिमा पनि सर्वसाधारणको उल्लेख्य संख्यामा उपस्थिति रहेको छ । उनीहरु हातमा फूलमाला लिएर लामबद्ध छन् । गत मंगलबार निधन भएका नेम्वाङको आज राजकीय सम्मानका साथ अन्त्येष्टि गरिँदै छ । उनको निधनको शोकमा सरकारले आज देशभर सार्वजनिक विदा दिएको छ ।

प्रतिकृया