२८ श्रावण २०८०, काठमाडौँ: अमेरिकाको हवाई टापुमा लागेको डढेलोका कारण हालसम्म ८० जनाको मृत्यु भएको अन्तर्राष्ट्रिय सञ्चारमाध्यमले जनाएका छन् । सयौं मानिस अझै सम्पर्कमा नआएकाले मृत्यु हुनेको संख्या बढ्न सक्ने आशंका गरिएको छ । ऐतिहासिक शहर लाहैना आगलागीमा पूर्णरूपमा ध्वस्त भएको छ ।

नजिकैको आँधीबेहरीबाट आएको तीव्र हावाहुरीका कारण माउईमा मंगलबार लागेको डढेलोले समुन्द्री किनारको लाहैना सहरलाई तीव्र गतिमा प्रभावित पारेको थियो ।

आगोको लप्का यति छिटो सर्‍यो कि जसकारण धेरै मानिस सडकमा फसेका थिए वा भाग्नको लागि समुद्रमा हाम फालेका थिए ।

यो गर्मीयाममा उत्तरी अमेरिकामा भएका अन्य चरम मौसमी घटनाहरूमध्ये हवाई डढेलो घटना एक हो ।