२४ घण्टामा थपिए १४२ जना कोरोना संक्रमित
प्रकाशित मिति
२०७९ भाद्र १९ गते, आईतवार ०४:४५
१९ भाद्र २०७९, काठमाडौं: नेपालमा पछिल्लो २४ घण्टामा थप १४२ जनामा कोरोना भाइरसको संक्रमण पुष्टि भएको छ।स्वास्थ्य मन्त्रालयका अनुसार कोरोनाबाट पछिल्लो २४ घण्टामा कसैको पनि मृत्यु भएको छैन। हालसम्म कोरोनाबाट ज्यान गुमाउनेको संख्या १२ हजार ७ पुगेको छ।
आइतबार २३० जना कोरोना संक्रमणमुक्त भएका छन्। हाल देशभर २ हजार ५२८ जना कोरोनाका सक्रिय संक्रमित रहेको स्वास्थ्य मन्त्रालयले जानकारी दिएको छ। गत २४ घण्टामा देशभर १ हजार ७५६ पीसीआर तथा १ हजार ६९४ एन्टिजेन परीक्षण भएको छ।
प्रतिकृया