रामेछापको दुई मतदान स्थानमा गोली चल्यो

प्रकाशित मिति

२०७९ बैशाख ३० गते, शुक्रबार १०:४४

३० बैशाख २०७९, काठमाण्डौं : रामेछापको दुई स्थानमा गोली चलेको छ । दुई पक्षीय झडप हुँदा मतदान प्रभावित बनेको जिल्ला प्रहरी कार्यालय रामेछापका डीएसपी राजकुमार थिङले बताए । दोरम्बा सैलुङ गाउँपालिकाको मानपुर कृष्ण मा.वि मतदान केन्द्रमा दुई पक्षीय झडप हुँदा एक राउण्ड गोली चलेको उनले बताए ।

यस्तै, खाँणदेवी गाउँपालिका स्थित वडा नम्बर १ राकाथममा मतदान केन्द्रमा दुई पक्षीय झडपलाई नियन्त्रणमा लिन ७ राउण्ड हवाइ फायर भएको उनले बताए । दुबै स्थानमा मतदान सुचारु गराउन पहल भइरहेको छ।