गोबिन्द राज ओझा (कविता)
सम्झना आउँछ तिमिसँग भएको पहिलो दिनको भेटको
तिमिसँग कुराकानी भएको त्यो रमाईलो क्षणको
भेटन हामीले गर्थ्यौ गाउँ भन्दा तलको त्यो चौतारामा
आफ्नो भन्नु तिमी नै छौ त्यसैले त डेरा गर्यौ मेरो दिलमा ।

तिमिले दियौँ साथ जिन्दगीका पलपलमा
सयौँ जुनि सँगै बाच्ने कसम खायौँ हामीले मन्दिरमा
सधै तिमी मेरो सामु भइदिए हुन्थ्यो जस्तो लाग्छ किन
तिमि नै मेरो म नै तिम्रो यहि नै चाहना मेरो प्रश्न गर्छौ किन ?

तिमीसँग टाढा भएर बस्न कहिले नपरोस
तिम्रो याद आउदा तिमि सँग भेट गर्न पाईयोस
तिम्रो मायाको छहारीमा बसु बसु झैँ लाग्छ
तिम्रो यादमा मलाई दुई शब्द लेख्न मन लाग्छ ।

मलाई जस्तो तिमिलाई पनि भेटन मन लाग्यो होला
पहिलो भेट भएको समय तिमीलाई याद आउला ।