११ फागुन २०७८, काठमाडौं : लोकतान्त्रिक समाजवादी पार्टी (लोसपा) संसदीय दलको बैठक आज बस्दैछ । बबरमहलस्थित पार्टी केन्द्रीय कार्यालयमा आज दिउँसो १ बजेका लागि साे बैठक तय भएको छ । यस बैठकले एमसीसीबारे पार्टीकाे निश्कर्ष निकाल्ने जनाइएकाे छ ।

नेता लक्ष्मणलाल कर्णका अनुसार उक्त बैठकमा अमेरिकी अनुदान सहयोग मिलेनियम च्यालेन्ज कर्पोरेशन (एमसिसी) लगायत समयसामयिक विषयमा छलफल हुने छ ।

एमसिसी नेपालको पूर्वाधार विकास र नेपाली जनताको समृद्धिको पक्षमा रहने भनी दाबी गर्दै आएको (लोसपा)को आजको बैठकले यस सम्बन्धमा ठोस धारणा सार्वजनिक गर्ने बताइएको छ ।