२७ माघ २०७८,काठमाडौं : नेपाली कांग्रेसको केन्द्रीय कार्यसम्पादन समितिको बैठक सुरु भएको छ । पार्टी कार्यालय सानेपामा सुरु भएको यस बैठकमा स्थानीय तहको निर्वाचनबारे छलफल गर्ने तयारी रहेको छ ।

बुधबार बसेको कांग्रेस पदाधिकारी बैठकले आज बिहीबार बोलाइएको केन्द्रीय कार्य सम्पादन समितिको बैठकमा स्थानीय तह निर्वाचनका विषयमा छलफल गर्ने गरी एजेण्डा तय गरेको थियो । यसै अनुरुप आज छलफल हुने बताइएको छ । एक नेताका अनुसार बैठकमा जिल्ला अधिवेशन हुन बाँकी १६ जिल्लाको अधिवेशन र भातृ तथा शुभेच्छुक संस्थाको महाधिवेशनको विषयमा छलफल हुने छ ।