२७ माघ २०७८, काठमाडौं : प्रधानमन्त्री शेरबहादुर देउवालाई नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र एकीकृत नेकपा समाजवादीका अध्यक्ष माधवकुमार नेपालले अहिले एमसीसी पास गर्न नसकिने बताएका छन् । आज प्रधानमन्त्री निवास बालुवाटारमा प्रधानमन्त्री देउवा, नेपाल र प्रचण्डबीच भएको एमसीसी परियोजनाबारे छलफलमा दुई शीर्ष नेताहरुले देउवालाई जानाकारी गराएका हुन् ।

स्रोतका अनुसार छलफलमा प्रधानमन्त्री देउवाले एमसीसी संसदबाट पारित गर्नुपर्ने बताएका थिए । तर, प्रचण्ड र नेपालले भने चुनाव अगाडि एमसीसी जस्ताको तस्तै संसदबाट पारित गर्न नसकिने जानकारी गराएका हुन् ।

यसअघि प्रधानमन्त्री देउवाले प्रमुख प्रतिपक्षी दल नेकपा एमालेका अध्यक्ष केपी शर्मा ओलीसँग पनि छलफल गरेका थिए ।