९ माघ २०७८, काठमाडौं :कोरोना संक्रमणलाई मध्यनजर गर्दै चिकित्साशास्त्र अध्ययन संस्थान (आइओएम)अन्तर्गतका सोमबारदेखि हुने परीक्षालाई स्थगित गरिएको छ । आएओएमकी डिन डा. दिब्या सिंहले कोरोनाको जोखिम बढ्दै गएकाले विद्यार्थीको स्वास्थ्यलाई ख्याल गर्दै परीक्षा रोकिएको जानकारी दिए ।

‘कोरोनाको संक्रमण बढ्दो छ । कतिपय विद्यार्थी संक्रमित हुँदै गएका छन्, भोलि (सोमबार) देखि हुने भनिएको परीक्षा अहिलेको लागि स्थगित गरेका हौं ‘, डा सिंहले भनिन्, ‘कोरोनाको जोखिम घट्दै गएपछि परीक्षा सञ्चालन गरिने छ र स्थगित परीक्षाको तालिका चाडैं प्रकाशित हुन्छ,’ ।