२८ मंसिर २८ २०७८ काठमाडौं : पछिल्लो समय दर्शकले टेलिभिजनको अलवा युट्युबमा पनि हाँस्य सिरियल धेरै हेर्न थालेका छन् । त्यसैले पनि युट्युबमा हाँस्य सिरियलको बाढी छाएको छ । यस्तैमा विगत १० भागदेखि प्रशारण भैरहेको कमेडी सिरियल ‘उकुस मुकुस’ पनि दर्शकको रुचिमा पर्न सफल भएको छ ।

सिरियलमा दीलिप तामाङ ‘हुरहुर’, बेदना राई, देवी आले, प्रकाश लिम्बु, नहकुल भट्टराई, टुल्कु तामाङ, रमेश वुढामगर, दिपक लम्साल, सोहन थापा, जयनन्द लामा, रामचन्द्र अधिकारी लगायतका कलाकारको अभिनय देख्न सकिन्छ ।

केदार प्रसाद घिमिरे र दिलिप तामाङको पटकथा तथा संवाद रहेको सिरिलको लेखन सुपरिवेक्षणको रुपमा केदार प्रसाद घिमिरेले काम गरेका छन् । लोकचन्द्र थापाको छायांकन, सुविन दाहालको सम्पादन, दिलिप तामाङ र सितादेवी तिमिल्सेनाको निर्देशन रहेको सिरियलमा गाउँघरका बिषयवस्तुलाई उठान गरिएको छ । सिरियलका निर्माता नहकुल भट्टराई हुन् ।