काठमाडौं: नेपाल पत्रकार महासंघको २६ औं महाधिवेशन काठमाडौँको राष्ट्रिय सभागृहमा सुरु भएको छ। उपराष्ट्रपति नन्दबहादुर पुन ‘पासाङ’को प्रमुख आतिथ्यमा उक्त महाधिवेशन सुरु भएको हो।

फाल्गुन ५ गते बुधबार ११ बजे पत्रकार महासंघका जिल्ला शाखा अध्यक्ष, प्रदेश पदाधिकारी लगायत तीन सयजनाको उपस्थितिमा कार्यक्रमको उद्घाटन उपराष्ट्रपति पुनद्वारा भएको हो। कार्यक्रममा महासचिव र कोषाध्यक्षको प्रतिवेदन पेश गरिने र छलफलपश्चात पारित हुने सचिव राम प्रसाद दाहालले बताएका छन्।

दाहालले नयाँ नेतृत्वका लागि महासंघले एक महिनाभित्र चुनाव गर्ने योजना रहेको बताउँदै निर्वाचन समिति गठन भएको समेत जनाएका छन्। उनका अनुसार समितिले केही दिनभित्रै पत्रकार महासंघको निर्वाचनको मिति सार्वजनिक गर्नेछ।