कपास उद्योगमा आगलागी हुँदा १२ लाखको क्षति
प्रकाशित मिति
२०७७ माघ ७ गते, बुधबार ०९:५८
झापा: झापाको भद्रपुर–५ झापा चोकस्थित कपास उद्योगमा आगलागी हुँदा रु १२ लाख बराबरको क्षति भएको छ ।
प्रहरीका अनुसार मङ्गलबार बेलुका सोही वडाका रामचन्द्र सहनीले सञ्चालन गरेको कपास उद्योगमा आगलागी भएको छ ।
कपास उद्योगमा कपास पेल्ने क्रममा कपासमा मिसिएर आएको ढुङ्गाका कारण मेसिनमा खराबी आएर अचानक आगलागी भएको प्रहरीले जनाएको छ । आगलागीबाट कपास पेल्ने मेसिन एक थान र ५७ बोरा तयारी कपास पूर्णरूपमा जलेर नष्ट भएको छ ।
प्रतिकृया