काठमाडौंः नेपाली कांग्रेस नेता गगन थापाले प्रधानमन्त्री केपी ओली भगौडा भएको आरोप लगाएका छन्।

प्रधानमन्त्रीले प्रतिनिधिसभा विघटन गरेको विरोधमा शनिबारकाठमाडौं क्षेत्र नम्बर ४ (ख) को आयोजनामा भएको प्रदर्शनपछि आयोजित विरोधसभालाई सम्बोधन गर्दै थापाले प्रधानमन्त्री क्रान्तिकारी नभएर भगौडा भएको आरोप लगाएका हुन् ।

अविश्वासको प्रस्ताव सामना नगरी प्रतिनिधिसभा विघटन गर्ने बाटोमा हिँड्ने प्रधानमन्त्री क्रान्तिकारी हुनै नसक्ने उनको ठोकुवा छ ।

नेता थापाले भने, ‘होइन प्रधानमन्त्री क्रान्तिकारी होइनन्, संसद छोडेर भागेका भगौडा हुन्।’