काठमाडौंः राष्ट्रिय पुनर्निर्माण प्राधिकरणमा कार्यरत सवइन्जिनियर सुरेन्द्र अधिकारी डेढ लाख रुपैयाँ घूससहित पक्राउ परेका छन् ।

अख्तियार दुरुपयोग अनुसन्धान आयोगले प्राधिकरण मातहत तनहुँ जिल्लाको भानु नगरपालिकामा आयोजना कार्यान्वयन इकाईमा कार्यरत सवइन्जिनियर अधिकारी पक्राउ परेका हुन् ।

आयोगका अनुसार, ती सवइन्जिनियरले कार्यक्षेत्रभित्र विद्यालयको भौतिक संरचना निर्माणमा रकम निकासा दिलाइदिए वापत अतिरिक्त रकम मागेका हुन्।

सेवाग्राहीबाट लिएको १ लाख ५० हजार रुपैयाँ घूस लिइसकेको अवस्थामा तनहुँको भानु नगरपालिका २ बाट अख्तियारको टोलीले नियन्त्रणमा लिएको र थप अनुसन्धान गरिरहेको जनाएको छ ।