काठमाण्डु , मंसिर १६ । ट्राफिक प्रहरी महाशाखाले ट्राफिक लाइट उल्लंघन गर्नेलाई अनलाइनमार्फत ट्राफिक सचेतना कक्षा लिने व्यवस्थाको सुरुवात गरेको छ ।

विश्वभरी महामारीको रुपमा फैलिएको कोरोना भाइरस संक्रमणको अवस्थालाई मध्यनजरसमेत गरी अनलाइनमार्फत सचेतना कक्षा सुरू गरिएको महाशाखाले जनाएको छ ।

लकडाउनअघि ट्राफिक कारबाहीमा परेका चालकहरू बग्गीखाना गएर आफैं ट्राफिक कक्षामा सहभागी हुनुपर्ने परिपाटीको अन्त्य गर्दै प्रविधिमार्फत भर्चुअल क्लास सोमबारदेखि सुरु गरिएको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिए ।

लामो समयको लकडाउन र कोरोना संक्रमणको जोखिम यथावत् नै रहेकोले चालकहरूलाई कक्षा कोठामा उपस्थित गराएर कक्षा सञ्चालन गर्दा जोखिम झन् बढ्न सक्ने देखिएकोले त्यस्ता चालकहरूको लागि भर्चुअल क्लास लिने व्यवस्था गरिएको जनाएको छ ।