हेलम्बु गाउँपालिकाको पहलमा आज जन्मिएकी एक शिशुको श्वासप्रश्वासमा समस्या आएपछि हेलिकप्टरमार्फत उद्धार गरी काठमाडौँ पठाइएको छ । वडा नं ७ मा रहेको इचोक बर्थिङ सेन्टरमा सुत्केरी भएकी महिलाको शिशुको फोक्सोले काम नगरेपछि थप उपचारका लागि कैलाश एयरको हेलिकप्टरमार्फत कान्ति बाल अस्पताल काठमाडौँ पठाइएको हो ।

गाउँपालिकाले आफ्नै खर्चमा हेलिकप्टरमार्फत वडा नम्बर १ की फुर्वा डोल्मा तामाङले जन्माएको शिशुले श्वास फेर्न नसकेपछि ज्यान बचाउन तत्काल हेलिकप्टरको व्यवस्था मिलाई थप उपचारका लागि काठमाडौँ पठाइएको गाउँंपालिकाका अध्यक्ष निमाग्याल्जेन शेर्पाले जानकारी दिनुभयो ।

छोरी बलात्कारको आरोपमा पक्राउ

सिन्धुपाल्चोक, आफ्नै छोरीलाई बलात्कार गरेको आरोपमा बुवालाई प्रहरीले पक्राउ गरेको छ । पाँचपोखरी थाङ्पाल गाउँपालिका बस्ने एक बाबुले आफ्नै छोरीलाई पटकपटक करणी गरेको भन्दै उजुरी आएपछि इलाका प्रहरी कार्यालय मेलम्चीले निजलाई पक्राउ गरेको हो ।

करणी गर्ने बुवालाई प्रहरीले यही भदौ १९ गते घरबाटै पक्राउ गरेको इलाका प्रहरी कार्यालयका प्रहरी निरीक्षक फलबहादुर तामाङले जानकारी दिनुभयो । एकचालीस वर्षीय पुरुषलाई अहिले जिल्ला अदालतबाट म्याद थप गरी मेलम्चीमा अनुसन्धान भइरहेको तामाङले बताउनुभयो ।
रासस