काठमाडौं, आज नेपालमा थप ५९३ जना नयाँ संक्रमित थपिएका छन् । जस मध्ये १०७ जना महिला र ४८६ जना पुरुष रहेका छन् । यसका साथै नेपालमा ११ हजार ७ सय ५५ जना पुगेको स्वास्थ्य तथा जनसङ्ख्या मन्त्रालयले गरेको नियमित पत्रकार सम्मेलनमा प्रवक्ता प्रा.डा. जागेश्वर गौतमले सो जानकारी दिनुभयो ।

स्वास्थ्य तथा जनसङ्ख्या मन्त्रालयका अनुसार आज ४८ जना डिस्चार्ज भएका छन् । जसमध्ये ८ जना महिला र ४० जना पुरुष रहेका छन् । यसका साथै आज सम्म २ हजार ६ सय ९८ जना डिस्चार्ज भएका छन् । हाल सम्म नेपालमा रसुवा जिल्ला बहेक सबै जिल्लामा संक्रमण फैलिएको छ ।

त्यसैगरी असार ११ गते थप एक जनाको मृत्यु भएको छ । असार १२ गते निजको स्वाबमा कोरोना भेटिएको छ । योसँगै मृत्यु हुनेको सङ्ख्या २७ पुगेको छ ।