काठमाडौँ, पछिल्लो २४ घण्टामा नेपालमा थप ५३८ जनामा कोरोना सङ्क्रमण पुष्टि भएको छ । जसमध्ये ९० जना महिला र ४४८ जना पुरुष रहेका छन् ।

योसँगै नेपालमा कुल सङ्क्रमित सङ्ख्या पुगेको दशहजार ९९ स्वास्थ्य तथा जनसङ्ख्या मन्त्रालयले मगंलबार गरेको पत्रकार सम्मेलनमा प्रवक्ता प्रा.डा. जागेश्वर गौतमले जानकारी दिनुभयो ।

यस्तै, आज थप ७८ जना निको भएर डिस्चार्ज भएका छन् । जसमध्ये ८ जना महिला र ६८ जना पुरुष रहेका छन् । नेपालमा कुल डिस्चार्ज हुनेको सङ्ख्या दुई हजार २२४ पुगेको छ ।

दैलेखका ४५ वर्षीय पुरुषको मुत्यु भएको छ । यससँगै नेपालमा २४ जनाको मृत्यु भइसकेको छ । नेपालका ७६ जिल्लामा संक्रमण फैलिएको छ ।