काठमाडौं । हिजोबाट नेपालको निशान छाप परिवर्तन भएको छ। लिम्पियाधुरा समेटिएको नक्सा राख्न संविधान संशोधन भएपछि नयाँ निशान छाप प्रयोगमा ल्याएको छ । नयाँ निशान छाप प्रयोगमा आएपछि सरकारका केही काम बढेका छन्।

नागरिकताको निशान छाप परिवर्तन गर्नुपर्ने भएको छ।गृह मन्त्रालयले लेटरप्याड, नागरिकता छपाई सुरु गरेको जनाएको छ।त्यस्तै पासपोर्टमा पनि अब नयाँ निशान छाप्नुपर्नेछ। सांसदहरुको लोगो परिवर्तन गर्नुपर्ने भएको छ।

संसद सचिवालयले लोगो परिवर्तन गर्न ८ लाख लाग्ने जनाएको छ। सय रुपैँयाको नोटमा रहेको नेपालको नक्सा परिवर्तन गर्नुपर्ने भएको छ।