काठमाडौं, सशस्त्र प्रहरीको टोली दार्चुलाको छाङरु पुगेको छ । दार्चुलाको व्यास गाउँपालिका–१ छाङरुमा स्थापना गरिने बीओपीका लागि आवश्यक बन्दोबस्तीका सामानसहित सशस्त्र प्रहरीको टोली छाङरु पुगेको हो।

नेपाली सेनाको हेलिकप्टरमा आज बिहान काठमाडौंबाट गृहमन्त्रीका सुरक्षा सल्लाहाकार प्रा.डा. इन्द्रजित राई र सशस्त्र प्रहरीका एआईजी नारायणबाबु थापासहितको टोली दार्चुला प्रस्थान गरेको थियो।

दार्चुला सुदरमुकाम खलंगाबाट २ चरणमा गरि टोली व्यास गाउँपालिका–१ छाङरुमा पुगेको हो ।व्यास गाउँपालिका–१ मा नै पर्ने कालापानी, लिपुलेक भन्दा करीब १८ किलोमिटर वरै बीओपी राख्न लागिएको हो।