काठमाडौं । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले सामाजिक न्यायसहितको समृद्ध नेपाल निर्माणमा जोड दिएका छन् । प्रचण्डले आज नयाँ बर्ष २०७७को आम नेपालीले साँचेको सुखी नेपालीको सपना समेत पूरा हुने आशा व्यक्त गर्दै नयाँ बर्षको शुभकामना दिएका छन् ।

‘इतिहासले सुम्पेको कठिन जिम्मेवारीसहित आगमन भएको नयाँ वर्षले महामारीको अन्त्यसँगै आम नेपालीले साँचेको सुखी नेपाली तथा सामाजिक न्यायसहितको समृद्ध नेपाल निर्माणको सपना पुरा गर्न विशेष प्रेरणा देओस्,’ प्रचण्डले नयाँ वर्ष २०७७ को पूर्व सन्ध्यामा आज जारी विज्ञप्तिमा भनिएको छ । प्रचण्डले नयाँ वर्षको महामारीको अन्त्यसँगै सुख र समृद्धीको कामना समेत गरेका छन् ।