काठमाडौं, प्रधानमन्त्री केपी शर्मा ओलीलाई मिर्गौला दिने समिक्षा संग्रौला डिस्चार्ज भएकी छन् । उनी बुधबार शिक्षण अस्पतालबाट डिस्चार्ज भएकी हुन् । उनी प्रधानमन्त्रीलाई मिर्गौला दिन फागुन १९ गते अस्पताल भर्ना भएकी थिइन् ।

शिक्षण अस्पतालका कार्यकारी निर्देशक डा. प्रेमकृष्ण खड्काले भने, ‘प्रधानमन्त्रीकी मिर्गौलादाता उहाँकी भान्जी समिक्षा संग्रौलालाई डिस्चार्ज दिएका छौँ ।’

उनले सर्जनले सहमति जनाए प्रधानमन्त्री पनि आजै डिस्चार्ज हुनसक्ने जानकारी दिएका छन् । उनले भने, ‘सर्जनले रिपोर्ट हेरेर स्वीकृती दिए प्रधानमन्त्रीको पनि आज नै डिस्चार्ज हुनसक्छ ।’