कोरोना भाइरस : अमेरिकामा मात्रै ६ जनाको मृत्यु, संक्रमितको संख्या १ सय २ पुग्यो

प्रकाशित मिति

२०७६ फाल्गुन २० गते, मंगलवार ०७:२२

काठमाडौं । अमेरिकामा–कोरोना भाइरसका कारण ६ जनाको मृत्यु भएको छ । वासिङ्टन राज्यमा सोमबार थप ४ जनाको मृत्यु भएपछि मृतकको संख्या ६ पुगेको हो ।

अमेरिकी स्वास्थ्य अधिकारीहरुका अनुसार वासिंगटनको किंग काउन्टी अस्पतालमा भर्ना भएकामध्ये ६ जनाको मृत्यु भएको हो । अमेरिकाका विभिन्न राज्यमा अहिलेसम्म संक्रमित हुनेको संख्या १ सय २ पुगेको छ ।

संक्रमण फैलने दर उच्च भएपछि कोरोनाको महामारी रोक्न आवश्यक सबै उपाय अबलम्बन गर्न राष्ट्रपति डोनाल्ड ट्रम्पले स्वास्थ्य अधिकारीहरुलाई निर्देशन दिएका छन् ।