काठमाडौं, नेपाली कांग्रेसका असन्तुष्ट जिल्ला सभापतिहरुले पार्टीका सभापति शेरबहादुर देउवालाई भेट्दै छन् । जिल्ला सभापतिहरुले आज देउवा निवास बुढानिलकण्ठमा भेट्ने बुझिइएको छ ।

वरिष्ठ नेता रामचन्द्र पौडेल र महामन्त्री डा. शशांक कोइरालाले पुस ११ गतेको केन्द्रीय कार्य समितिको बैठकको निर्णयप्रति असहमति जनाउँदै परामर्शका लागि भन्दै काठमाडौंमा जिल्ला सभापतिको भेला बोलाउनु भएको थियो । सोही भेलाका जिल्ला सहभागीहरूले सभापति देउवालाई भेट्ने भएका हुन् ।

जिल्ला सभापतिहरुले सो भेलाको निष्कर्षसहित पार्टीमा देखिएको विवाद अन्त्यका लागि दबाब दिइने बुझिइएको छ ।